Serranillas de Moncayo, | ||||
Dios vos dé buen año entero, | ||||
Ca de muy torpe lacayo | ||||
Faríades cavallero. |
Ya se pasava el verano, | ||||
Al tiempo que ome s'apaña, | ||||
Con la ropa a la tajaña | ||||
Ençima de Boxmediano | ||||
Vi serrana sin argayo | ||||
Andar al pie del otero, | ||||
Más clara que sale en mayo | ||||
El alva, nin su luçero. |
Díxele «Non me matedes, | ||||
Serrana, sin ser oydo, | ||||
Ca yo non soy del partido | ||||
D'esos, por quien vos lo avedes. | ||||
Aunque me vedes tal sayo, | ||||
En Agreda soy frontero | ||||
E non me llaman Pelayo, | ||||
Magüer me vedes señero.» |
Desque oyó lo que decía | ||||
Dixo: «Perdonat, amigo; | ||||
Mas folgat ora conmigo, | ||||
E dexat la montería. | ||||
A este çurrón que trayo | ||||
Queret ser mi parçionero, | ||||
Pues me fallesçió Mingayo, | ||||
Que era conmigo ovejero. |
Entre Torellas e el Fayo | ||||
Pasaremos el febrero.» | ||||
Díxele: «De tal ensayo, | ||||
Serrana, soy plaçentero.» |
En toda la su montana | ||||
De Trasmoz a Veratón | ||||
Non vi tan gentil serrana. |
Partiendo de Conejares, | ||||
Allá suso en la montaña | ||||
Çerca de la Travesaña, | ||||
Camino de Trasovares, | ||||
Encontré moça loçana | ||||
Poco más acá de Añón. | ||||
Riberas de una fontana. |
Traía saya apretada | ||||
Muy bien presa en la çintura, | ||||
A guisa d'Extremadura | ||||
Çinta e collera labrada. | ||||
Dixe: «Dios te salve, hermana; | ||||
Aunque vengas d'Aragón, | ||||
D'esta serás castellana.» |
Respondiome: «Cavallero, | ||||
Non pensés que me tenedes, | ||||
Ca primero provaredes | ||||
Este mi dardo pedrero; | ||||
Ca después d'esta semana | ||||
Fago bodas con Antón, | ||||
Vaquerizo de Morana». |
Después que nascí, | ||||
Non vi tal serrana | ||||
Como esta mañana. |
Allá a la vegüela, | ||||
A Mata el Espino, | ||||
En ese camino | ||||
Que va a Loçoyuela, | ||||
De guisa la vi | ||||
Que me fiço gana | ||||
La fructa temprana. |
Garnacha traía | ||||
De oro, presada | ||||
Con broncha dorada, | ||||
Que bien reluçía. | ||||
A ella volví | ||||
Diçiendo: -«¿Loçana, | ||||
E soys vos villana?» |
«-Sí, soy, cavallero; | ||||
Si por mí lo avedes, | ||||
Decit ¿qué queredes? | ||||
Fablat verdadero»: | ||||
Yo le dixe asy: | ||||
«-Juro por Santana | ||||
Que non soys villana». |
Por todos estos pinares | ||||
Nin en Navalagamella, | ||||
Non vi serrana más bella | ||||
Que Menga de Mançanares. |
Deçendiendo'l yelmo a yuso, | ||||
Contra'l Bóvalo tirando | ||||
En ese valle de suso, | ||||
Vi serrana estar cantando: | ||||
Saluéla, segunt es uso, | ||||
E dixe: «Serrana, estando | ||||
Oyendo, yo non m'excuso | ||||
De façer lo que mandares». |
Respondiome con ufana: | ||||
«Bien vengades, cavallero: | ||||
¿Quién vos trae de mañana | ||||
Por este valle señero? | ||||
Ca por toda aquesta llana | ||||
Yo non dexo andar vaquero, | ||||
Nin pastora, nin serrana, | ||||
Sinon Pasqual de Bustares. |
Pero ya, pues la ventura | ||||
Por aquí vos ha traydo, | ||||
Convién en toda figura, | ||||
Sin ningunt otro partido, | ||||
Que me dedes la çintura, | ||||
O entremos a braz partido; | ||||
Ca dentro en esta espesura | ||||
Vos quiero luchar dos pares». |
Desque vi que non podía | ||||
Partirme d'allí sin daña, | ||||
Como aquel que non sabía | ||||
De luchar arte nin maña, | ||||
Con muy grand malenconía, | ||||
Arméle tal guardamaña | ||||
Que cayó con su porfía | ||||
Çerça de unos tomellares. |
Entre Torres e Canena, | ||||
A çerca de Salloçar, | ||||
Fallé moça de Bedmar. | ||||
¡Sanct Jullán en buen estrena! |
Pellote negro vestía | ||||
E lienços blancos tocava, | ||||
A fuer de l'Andalucía, | ||||
E de alcorques se calçava. | ||||
Si mi voluntat agena | ||||
Non fuera, en mejor logar | ||||
Non me pudiera excusar | ||||
De ser preso en su cadena. |
Preguntéle do venía, | ||||
Desque la ove saluado, | ||||
O quál camino façía. | ||||
Díxome que d'un ganado, | ||||
Que l'guardavan en Raçena, | ||||
E pasava al Olivar, | ||||
Por cojer e varear | ||||
Las olivas de Ximena. |
Dixe: «Non vades señera, | ||||
Señora; que esta mañana | ||||
Han corrido la ribera, | ||||
Aquende de Guadiana, | ||||
Moros de Valdepurchena | ||||
De la guarda de Abdilbar, | ||||
Ca de vervos mal pasar | ||||
Me sería grave pena». |
Respondiome: «Non curedes, | ||||
Señor, de mi compañía; | ||||
Pero graçias e merçedes | ||||
A vuestra grand cortesía: | ||||
Ca Miguel de Jamilena | ||||
Con los de Pegalajar | ||||
Son pasados a atajar: | ||||
Vos tornat en ora buena. |
- I -13 | ||||
Moça tan fermosa | ||||
Non vi en la frontera, | ||||
Como una vaquera | ||||
De la Finojosa. |
Façiendo la vía | ||||
Del Calatreveño | ||||
A Sancta María, | ||||
Vençido del sueño | ||||
Por tierra fragosa | ||||
Perdí la carrera, | ||||
Do vi la vaquera | ||||
De la Finojosa. |
En un verde prado | ||||
De rosas e flores, | ||||
Guardando ganado | ||||
Con otros pastores, | ||||
La vi tan graçiosa, | ||||
Que apenas creyera | ||||
Que fuese vaquera | ||||
De la Finojosa. |
Non creo las rosas | ||||
De la primavera | ||||
Sean tan fermosas | ||||
Nin de tal manera, | ||||
Fablando sin glosa, | ||||
Si antes sopiera | ||||
D'aquella vaquera | ||||
De la Finojosa. |
Non tanto mirara | ||||
Su mucha beldat, | ||||
Porque me dexara | ||||
En mi libertat. | ||||
Mas dixe: «Donosa | ||||
(Por saber quién era), | ||||
¿Dónde es la vaquera | ||||
De la Finojosa?» |
Bien como riendo, | ||||
Dixo: «Bien vengades; | ||||
Que ya bien entiendo | ||||
Lo que demandades: | ||||
Non es deseosa | ||||
De amar, nin lo espera, | ||||
Aquesa vaquera | ||||
De la Finojosa». |
Serrana, tal casamiento | |||
Non consiento que fagades, | |||
Car de vuestro perdimiento, | |||
Magüer non me conoscades, | |||
Muy grandes desplaçer avría | |||
En vos ver enagenar | |||
En poder de quien mirar | |||
Nin tractar non vos sabría. |
Madrugando en Robledillo, | |||
Por yr buscar un venado, | |||
Fallé luego al Colladillo | |||
Caça, de que fui pagado. | |||
Al pie d'aquesa montaña | |||
La que diçen de Berçosa, | |||
Vi guardar muy grand cabaña | |||
De vacas moça fermosa. | |||
Si voluntat non m'engaña | |||
Non vi otra más graçiosa | |||
Si alguna d'esto s'ensaña, | |||
Lóela su enamorado. |
Moçuela de Bores, | |||
Allá do la Lama | |||
Púsom'en amores. |
Cuydé que olvidado | ||||
Amor me tenía, | ||||
Como quien s'avía | ||||
Grand tiempo dexado | ||||
De tales dolores, | ||||
Que más que la llama | ||||
Queman amadores. |
Mas vi la fermosa | ||||
De buen continente, | ||||
La cara plaçiente, | ||||
Fresca como rosa, | ||||
De tales colores | ||||
Qual nunca vi dama | ||||
Nin otra, señores. |
Por lo qual: «Señora | ||||
(Le dixe), en verdat | ||||
La vuestra beldat | ||||
Saldrá desd'agora | ||||
D'entre estos alcores, | ||||
Pues meresçe fama | ||||
De grandes loores». |
Dixo: «Cavallero, | ||||
Tiratvos a fuera: | ||||
Dexat la vaquera | ||||
Pasar al otero; | ||||
Ca dos labradores | ||||
Me piden de Frama, | ||||
Entrambos pastores». |
«Señora, pastor | ||||
Seré si queredes: | ||||
Mandarme podedes, | ||||
Como a servidor: | ||||
Mayores dulçores | ||||
Será a mí la brama | ||||
Que oyr ruyseñores». |
Asy concluymos | ||||
El nuestro proçeso | ||||
Sin façer exçeso, | ||||
E nos avenimos. | ||||
E fueron las flores | ||||
De cabe Espinama | ||||
Los encobridores. |
De Vytoria me partía | |||
Un día d'esta semana, | |||
Por me pasar a Alegría, | |||
Do vi moça lepuzcana. |
Entre Gaona e Salvatierra, | ||||
En ese valle arbolado | ||||
Donde s'aparta la sierra, | ||||
La vi guardando ganado, | ||||
Tal como el alvor del día. | ||||
En un hargante de grana, | ||||
Qual tod'ome la querría, | ||||
Non vos digo por hermana. |
Yo loé las de Moncayo | ||||
E sus gestos e colores, | ||||
De lo qual non me retrayo, | ||||
E la moçuela de Bores; | ||||
Pero tal philosomía | ||||
En toda la su montana | ||||
Çierto non se fallaría, | ||||
Nin fue tan fermosa Yllana. |
De la moça de Bedmar, | ||||
A fablarvos çiertamente, | ||||
Raçón ove de loar | ||||
Su grand e buen continente; | ||||
Mas tampoco negaría | ||||
La verdat que tan loçana, | ||||
Aprés la señora mía, | ||||
Non vi dona nin serrana. |